Ciberclub

Co obxectivo de recuperar os premios literarios que dende os 60 convocou a Agrupaçon Cultural O Facho, este ano convocouse a XLII edición do certame que leva o nome de Carlos Casares como unha agarimosa homenaxe ao que fora o primeiro gañador, no ano 68, co conto “A galiña azul”.

O concurso está dividido en dúas categorías,  A (para alumnos de 6 a 12 anos) e  B (de 12 a 16), e este ano o xurado está formado por Xabier P. Docampo, José Mondelo, Mar Hermida e Soledad González Maside.

O xoves, día 14, ás 12:30, e dentro das actividades programadas pola Agrupación co gallo do Día das Letras Galegas, tivo lugar unha ofrenda floral diante do monumento a Curros Enríquez na que o presidente de O Facho, José Luis Rodríguez Pardo deu a coñecer os gañadores do concurso.

A entrega de premios terá lugar na Fundación Caixa Galicia, no Cantón Grande,  o próximo 20 de maio, ás 20:00.

O 8 de maio ás 20 horas a escritora mexicana Elena Poniatowska dará unha conferencia sobre A literatura que vén da rúa. O acto que está organizado polo Concello da Coruña e a Asociación de Escritores en Lingua Galega, terá lugar na Real Academia Galega (Rúa Tabernas, 11).

Elena Poniatowska (París, 1933) é xornalista e narradora cunha ampla obra publicada na que se inclúen novelas, ensaios, contos e libros de entrevistas. Posúe numerosos premios entre os que destacan o Premio Nacional de Periodismo (1978) e o Premio  Alfaguara de Novela 2001 por La piel del cielo.

Muller comprometida politicamente é unha escritora combativa e crítica que escribe sobre os que non teñen voz. A súa literatura ten orixe na rúa, onde busca con avidez seres anónimos que conteñen historias e lamentos:

En realidad mis voces, mi inspiración, son las voces de la calle, la vida diaria, lo que nos pasa todas las mañanas, todas las tardes y las noches. Yo creo que todos tenemos un fondo de tristeza de lo que no logramos. En el fondo del alma y del espíritu tenemos un lugar donde los pensamientos duelen mucho, donde hay tristezas que no decimos a nadie, pensamientos de fracaso que tampoco comunicamos (La piel del cielo).

23 de abril, Día Internacional do Libro 2009

Como celebración do Día do Libro 2009 as Bibliotecas Municipais da Coruña prepararon unha serie de actos aos que se convida a todos os cidadáns.

A BIBLIOTECA NAS ESTACIÓNS DE TREN E AUTOBUSES (23 de abril)

As bibliotecas municipais ofreceranlles información aos viaxeiros sobre as súas actividades e recursos. Trátase de levar a biblioteca a dous dos lugares máis frecuentados pola cidadanía. Espazos de paso pero tamén de encontro, bos lugares onde botarlle unha ollada a un libro no tempo de espera ou de elixilo co fin de lelo durante o traxecto. Para celebrar un día tan especial, as bibliotecas levarán libros ás estacións e poñeranos a disposición dos viaxeiros, que, sexan nenos ou adultos, poderán levalo e lelo no autobús ou no tren. Haberá para isto un posto con información e folletos das bibliotecas, marcapáxinas e un cartel conmemorativo.

ENTREGA DE PREMIOS DO CONCURSO DE FOTOGRAFÍA AMÓSANOS O QUE LES: Ler na cidade (23 de abril)

A concelleira de Cultura do Concello da Coruña, Mª Xosé Bravo, fará entrega dos premios aos finalistas e participantes do Concurso de fotografía dixital "Amósanos o que les". O acto terá lugar o día 23 de abril ás 19.30 h nos Xardíns de Méndez Núñez, na caseta das Bibliotecas Municipais da Coruña. la Feria del libro de A Coruña (Jardines de Méndez Núñez)

CASETA OFICIAL DAS BIBLIOTECAS MUNICIPAIS na Feria do libro da Coruña (22 ao 26 de abril)

A nosas bibliotecas están presentes nesta Feria do libro donde como principal novidade existe un "Consultorio Literario" donde calquer persoa poderá recibir orientación sobre lecturas segundo seus gustos e inquedanzas.

As Bibliotecas Municipais da Coruña convocan a terceira edición do seu concurso de fotografía dixital "Amósanos o que les" co lema Ler na cidade.

Este ano 2009 as fotografías que solicitan deben reflectir manifestacións de lectura, espazos lectores tradicionais ou novidosos e distintas formas de lectura nunha cidade actual. Gustaríanos coñecer gráfica e artísticamente onde, quen e, sobre todo, como se le nun contorno urbano: traballo, autobús, comendo, esperando unha cita e un longo etcétera.[Ver bases]

Prepara xa a túa fotografía, envíaa dende esta web a partir do 17 de marzo e ata o 16 de abril. Poderás gañar unha cámara reflex dixital ou un reprodutor mp4.

As fotografías poden ser espontáneas ou preparadas, de estudo ou exteriores, cor ou branco e negro; o importante é a orixinalidade e a imaxinación do fotográfo e da escena representada.

Web del Concurso

Na Biblioteca Municipal Fórum Metropolitano, Laura Gallego, autora de obras como "Memorias de Idhún" e "La emperatriz de los etéreos" ofrecerá unha charla-coloquio o  xoves cinco de marzo ás 6 de la tarde. A entrada é libre e unha boa ocasión para coñecer á autora das obras que son agora mesmo das más lidas entre o público xuvenil e non tanto.

Cando pasedes polas Bibliotecas Municipais da Coruña podedes axudar a recoller teléfonos móbiles usados colaborando cun programa de Cruz Roja Española. Solicitade unha das bolsas de plástico das que dispoñen na que podedes poñer o voso vello móbil (sen cargador eléctrico) e deixalo en calquer buzón de correos.

Máis información na web da campaña.