Xa estamos preparando a volta para primeiros de setembro, esperamos contar con todos vos mais algunhas persoas máis que xa se apuntaron ou se apuntarán ao longo do inicio da nova tempada. Cando comencemos xa nos poñeremos en contacto vía sms e correo electrónico para que non sexa necesario que consultéis o blog a cotío.
Preparados, listos,….
Ímonos de vacacións… con libros
Pois si, nos imos de vacacións xullo e agosto. Volveremos en setembro con novos libros e autores e con ganas renovadas despois dun bo descanso estival. Pero non imos deixar de ler, e menos agora que, coas vacacións, teremos máis tempo para practicar un dos nosos deportes favoritos. Moitos xa comentastes que vos ides dedicar a continuar coa triloxía Millennium, xa nos contaredes que vos parecen a segunda e terceira parte. Pitty prefire dedicarse ao último premio Príncipe de Asturias, Ismail Kadaré, e recoméndanos a novela de Patrick Modiano, No café da xuventude perdida (boa idea, Pitty, faláronme moi ben del e quizais o lea tamén este verán). Pola miña banda quero saldar unha conta pendente que teño dende hai tempo: ler Moby Dick de Herman Melville. Pero tamén quero ler a Kadaré e algo de poesía que a teño un pouco abandonada.Contádenos que ides ler este verán, e animádevos a deixar suxestións de libros que vos gustasen ou que vos gustaría ler. Entre as miñas están varios premios deste ano: Kadaré, do que teño moi boas referencias; calquera das novelas dos últimos premios Nobel, Le Clezio, e Cervantes, Juan Marsé; Esperando a Robert Capa de Susana Fortes (Premio Fernando Lara), pero tamén a autobiografía recentemente editada deste fotógrafo crave do século XX, Ligeramente desenfocado, centradas na súa experiencia como correspondente gráfico durante a Segunda Guerra Mundial e cuxo principio promete: Ya no tenía motivo alguno para levantarme cada mañana.
Outras suxestións son a última novela da marabillosa muller e excelente escritora Ana María Matute, Paraíso Inhabitado, ou os sorprendentes e maxistrais relatos de Alice Munro (un dos meus achados deste ano, é incriblemente boa). Tamén editaron este ano nun só volume toda a obra dunha das mellores "contistas" española, Cristina Fernández Cubas, o seu título: Todos los cuentos. E continuando cos relatos, e con as mulleres, non podo deixar de recomendarvos a unha das "mestras" do xénero, Katherine Mansfield.
No capítulo de novela negra soa interesante a última novela do autor galego Domingo Villar, A praia dos afogados, ambientada na Galicia mariñeira. Non me quero esquecer da poesía. Ademais dos poetas publicados no blog ao longo destes meses, quixera recomendarvos a Alfonso Armada, un bo amigo e excelente poeta, con obra en galego e en castelán. E para os viaxeiros unha boa recomendación que me fixo un amigo hai anos: escollede unha novela dun autor do país que vaiades visitar e que, preferiblemente, se desenvolva alí. É un excelente xeito de coñecer a idiosincrasia do lugar.
Aínda que esteamos de vacacións eu entrarei de cando en vez no blog, así que non dubidedes en deixar calquera comentario que vos apeteza.
Julio e eu desexámosvos unhas felices vacacións a todos. Que as gocedes e ata setembro!
Por suposto podedes escribir os comentarios que queirades sobre o noso último libro, sobre todo os que aínda non o fixestes, e, cando o rematedes, non se vos esqueza devolvelo!
Membros do clube: todos aqueles que teñades calquer problema de funcionamento có blog no seu aspecto técnico, é decir, como ferramenta en liña, podedes enviar os vosas dudas ou consulta nas canles que aparecen máis abaixo. Como xa vos comentei no seu momento é moi dificil tratar de arranxar o funcionamento do blog a distancia pero faremos o que poidamos. Lembrade que esta é unha ferramenta posta polas Bibliotecas Municipais da Coruña nun alonxamento libre e non ten relación cos técnicos informáticos do Concello de A Coruña.
Canles:
Fora destas canles é prácticamente imposible que alguén os poida axudar dende o Concello da Coruña.
Julio Pesquero, Coordinador TIC do Svo. Municipal de Bibliotecas da Coruña
Hoxe era o noso último día para escoller o próximo libro que imos ler e só hai dous votos: un para El callejón de los milagros, e outro para El último encuentro.
E eu pregúntome: ¿Que facemos? ¿Escollo eu ou esperamos a que alguén máis se anime a votar?
A min gustaríame que fosedes vós os que decidísedes, polo que vos pido aos que entredes no blog ao longo do día de hoxe que, por favor, votedes por un dos dous libros e así rompamos o empate.
Últimos comentarios e proposta de nova lectura
Chegamos ao final do libro e, como estamos ás portas do Nadal, se vos parece podemos deixar estes días (ata o 26) por se algún lector demorado quere aínda escribir un comentario sobre o libro. Eu acabo de deixar un "longo" no post do día 15, se vos apetece entrade a lelo. É unha historia curta pero, como todas as boas historias, contén no seu interior moitas reflexións que poderiamos continuar analizando.
Anímovos, a pesar do atafego destas datas, a facelo.
Por certo, eu vou aproveitar estas festas para intentar ver a película La leyenda del pianista en el océano baseada na novela que acabamos de ler.
NOVA LECTURA
Con respecto á nosa seguinte lectura, queríavos propoñer escoller entre os dous libros que quedaron como finalistas nas nosas votacións: El callejón de los milagros de Naguib Mahfuz e El último encuentro de Sándor Márai. Os dous libros están dispoñibles.
¿Que vos parece se dedicamos estes días a deixar os nosos últimos comentarios e votar polo seguinte libro?
Como data tope propóñovos o 26-27 de decembro.
Aproveito para desexarvos a todos e a todas que pasedes un Feliz Nadal e ¡que deixedes, entre celebración e celebración, un ratito para ler!
Prazo para decidir que libro imos ler
Propóñovos que decidades vós o próximo libro
Unha vez rematada a nosa lectura de La casa de las bellas durmientes de Yasunari Kawabata ocorréuseme facer algo diferente con respecto ao próximo libro que imos ler. Vouvos propoñer que decidades vós qué libro queredes ler de entre estes catro:
Por suposto leremos o que gañe por maioría. Quedo á espera da vosa elección.
Como sempre, os exemplares de La casa de las bellas durmientes tedes que devolvelos na mesma biblioteca onde os recollestes. Grazas.
A partir do luns 3 de novembro xa podedes recoller noso seguinte libro
Libro que supón un cambio radical con respecto á nosa última lectura xa que se trata de La casa de las bellas durmientes do escritor xaponés e Premio Nobel 1968 Yasunari Kawabata.
Recordade que debedes pasar a recoller voso exemplar na biblioteca elixida por cada un a partir do luns día 3. Ese mesmo día sacaremos a primeira proposta de lectura.
Non esquezades devolver o voso exemplar de Soldados de Salamina na mesma biblioteca onde ides recoller o novo libro. Grazas.
Comenzamos unha nova etapa no clube virtual de lectura
Moi asiña comenzaremos unha nova edición do noso Ciberclub de lectura. Coma sempre os libros estarán depositados na Biblioteca Municipal de Sagrada Familia ainda que, se queres, podemosche enviar o libro a outra biblioteca municipal. Pero imos ao principio:
persoas afeccionadas á lectura que se reúnen virtualmente, para comentar e valorar un libro proporcionado polas Bibliotecas Municipais de A Coruña coa axuda dun coordinador. Non fai falta ser un experto lector, o club de lectura está pensado para persoas con inquietudes culturais, ganas de ler, facer amigos e intercambiar opinións con outras persoas. En realidade, o libro só é un punto de partida.El ciberclub de lectura es un grupo de personas aficionadas a la lectura que se reúnen 
virtualmente, para comentar y valorar un libro proporcionado por las Bibliotecas Municipales de A Coruña con la ayuda de un coordinador. No hace falta ser un experto lector, el club de lectura está pensado para personas con inquietudes culturales, ganas de leer, hacer amigos e intercambiar opiniones con otras personas. En realidad, el libro sólo es un punto de partida.
Rematamos benquerida catástrofe, e estaría ben que, antes de comezar a pensar na seguinte lectura, fixésemos a nosa valoración final, comentar aquelo co que nos quedariamos da novela . Aínda, que non faga honor ao seu titulo e chegara a ser para nós una autentica catástrofe, podemos dicir, facendo unha análise xeral dos vosos comentarios, que non convenceu. Se ben e certo que non podemos quitarlle mérito polo arriscado da proposta, parece que a historia vai perdendo forza segundo avanzamos na súa lectura. Agardamos as vosas opinións a espera de que a próxima seduza máis.
