O Grupo LEA (Librarías especializadas asociadas) e o Ministerio de Cultura organizan un peculiar concurso para fomentar a lectura, as librarías e as bibliotecas. O proxecto chámase Léemeloslabios.com e consiste en realizar un vídeo, cunha duración máxima de 10 minutos, que verse positivamente sobre o libro, a lectura, as librarías, as bibliotecas, etc. Os vídeos deben subir a YouTube coa entradilla ‘Concurso LEA‘, como resposta ao video principal da campaña aloxado no devandito portal neste enderezo. Por suposto, deben ser todos orixinais e propiedade do autor que os presente.
 
 
O prazo de presentación dos vídeos finaliza o 29 de decembro e outorgaranse dous premios:

Premio 1: dotado con 2.000 euros en metálico: Outorgado polo Xurado composto por membros de LEA.
Premio 2: dotado con 1.000 euros en metálico: Para o video que obteña maior número de votos dos usuarios de YouTube.

 
O fallo darase a coñecer a través da páxina da iniciativa e comunicarase aos gañadores a través do sistema de mensaxes de YouTube.